**خايف أشوفك من بعد غيبة سنين** ** ودي أشوفك .. بس خايف أشوفك** ****=================**** ** خايف ليا من طاحت العين بالعين** ** ما أدري أحضنك...

خايف أشوفك من بعد غيبة سنين
ودي أشوفك .. بس خايف أشوفك

=================
خايف ليا من طاحت العين بالعين
ما أدري أحضنك حيل ولا أطوفك

=================
خايف من الصدفة تنسيني الدين
وعدي لنفسي إني أنسى و أعوفك
=================
خايف أسامح و أنهزم عندك إلين
أطيح في حضنك .. و أقبل كفوفك

=================
تتساقط الدنيا و أهلها من العين
لا صار أمانك أكبر أسباب خوفك

=================
لازال .. حبك نقطة الضعف للحين
من يوم يرسم فالشواطي حروفك

=================
مع كل رنة هاتف .. يخون تخمين
و مع كل طاري حسن ترسم وصوفك

=================
كيف نتفارق ! .. من متى صرنا أثنين
و أنا متعود .. مثل نفسي أشوفك

=================
ممكن أعوفك ساعة ، أو يوم ، يومين
لا يمكن إني .. فوق هذا أعوفك
.
=================

مما راق لي ..
للشاعر المتألق /
أحمـد الردعان

الموضوع الأصلي: خايف أشوفــك .. .. || الكاتب: بقايا جروح || المصدر: شموخ

كلمات البحث

العاب ، برامج ، سيارات ، هاكات ، استايلات ، شموخ ، شعر، قصائد ، خواطر ، خاطره ، تويتر ، فيس بوك